Meld deg på sykle til jobben 2017

Sykkeldemonstrasjon  - Klikk for stort bilete

Har du planar om å sykle eller gå til jobben etter påske? Førde kommune og Scandic Sunnfjord Hotel & Spa markerer startskotet for aksjonen Sykle til jobben med gratis frukost ved Førde rådhus onsdag 19. april mellom kl. 07:00 og 09:00. Kjem du innom frukosten vert du med på trekning av flotte sykkeljakker. 

Gratis å melde seg på

Det er gratis for alle som jobbar eller bur i Førde kommune å delta på den landsomfattande aksjonen. Førde kommune har inngått ein avtale med Sykle til jobben og er difor ein gratiskommune. Aksjonen er i perioden 19. april–17. juni. Alle som deltek vert med på trekning av flotte premiar. 

 

Påmelding til Sykle til jobben 2017 >

 

All aktivitet gir poeng

Det er ikkje berre når du syklar eller går til jobben du får poeng. Loggfør sykkel- og fjellturar, kveldsturar med hunden eller ei hard økt på treningsstudio – alle aktivitetar gir poeng i aksjonen!

 

Du kan registrere aktiviteten sjølv på MinSide på sykletiljobben.no eller via appane Strava eller Endomondo.

 

Stjerneaktivitetar

Nokre aktivitetar vil gje poeng uavhengig av kor lenge den varer:

  • Sykle til jobben 
  • Gå til jobben
  • Springe til jobben
  • Aktiv reiseveg (der du vel kroppen som framkomstmiddel på strekningar du vanlegvis ville brukt bil)
  • Elsykkel 

     

Du vil få eitt poeng på Stjerneaktivitetane sjølv om du brukar mindre enn 30 minutt.

 

For andre aktivitetar gjeld hovudregelen med eitt poeng for 30. minutt aktivitet.

  • Minst 30 minutt med fysisk aktivitet gir eitt poeng.
  • Minst 60 minutt med fysisk aktivitet gir to poeng.
  • Minst 90 minutt med aktivitet gir tre poeng.
     

Du kan få maks tre poeng per dag. Målet er å ha ein aktivitet som gir 1,5 poeng i gjennomsnitt per dag.

 

Publisert av Marit Kleiven. Sist endra 18.04.2017 av Marit Kleiven
Fann du det du leita etter?

Snarvegar

 
 
Login for redigering