Heimehjelp

Heimehjelp er eit tilbod til deg som grunna sjukdom og nedsett helse treng praktisk hjelp for å greie daglege gjeremål.


Heimehjelp kan omfatte reingjering av rom som er i dagleg bruk, skifte av sengetøy, vask av klede i vaskemaskin, innkjøp av matvarer.


Klarer du ikkje slike praktiske gjeremål kan du søkje om heimehjelp.

Kva kan eg få hjelp til?


Reinhald:

  • Alminneleg reingjering av rom som er i dagleg bruk; golvvask, støvsuging og vask av bad/WC
  • Hjelp til vask av kle i vaskemaskin – normalt kvar 14. dag
  • Skift av sengekle
  • Tenesta vert utmålt etter fagleg vurdering, med ei minsteutmåling på 1 time kvar 4.veke

Handling:

  • Hjelp til å handle inn naudsynte hushaldsvarer ved bruk av konto på butikk
  • Handling vert utført etter liste frå tenestemottakar
  • Handling vert som hovudregel utført ein gong pr veke

 

Oppgåver som heimehjelp ikkje inkluderer

  • Stryking av klede
  • Reingjering av område over "skulderhøgd" eller av rom som ikkje er i bruk
  • Opplæring til hushald
  • Hagearbeid
  • Nedvask
  • Baking
  • Rydding og vasking etter friske pårørande eller besøkjande
  • Hjelp til kjæledyrhald.
  • Flytting av bossdunkar i fellesareal
  • Frakting av boss til bossfylling
  • Gjere i stand til høgtider
  • Flytting av møblar

Praktisk informasjon om tenesta

  • Heimehjelp er eit månadsabbonement regulert i Forskrift om eigenbetaling for kommunale            helse- og omsorgstenester. Satsar for eigenbetaling vert vedtekne av kommunestyret kvart år
  • I vedtaket vert det skildra innhald og tidsbruk for tildelt heimehjelp
  • Naudsynt utstyr til vask og reingjering må vere tilgjengeleg

  Må eg betale for heimehjelp?

  • Det er eigenandel på heimehjelp. Dette er regulert etter inntekt i husstaden.
  • Eigenandelen er fastsatt for 2015 av Bystyret.

 

Prisliste heimehjelp
Inntekt Timepris Makspris pr månad
under 2 G * kr 180,- kr 180,-
2-3 G kr 140,- kr 1689,-
3-4 G kr 211,- kr 2364,-
4-5 G kr 222,- kr 2590,-
Over 5 G kr 233,- kr 2815,-

 

1 G = 88 370 kr (pr 01.05.2014)

Korleis får eg denne tenesta?

  • Du må ha fast bustad i kommunen, og du må sende ein skriftleg signert søknad.
  • Dersom nokon hjelper deg med å fylle ut søknaden må du samstundes fylle ut ei Skriftleg fullmakt og levere den med søknaden.
  • Tildelingskontoret handsamar søknaden og du vil bli kontakta slik at det kan bli gjort ein kartlegging saman med deg av dine behov for hjelp.
  • Søknaden sendast til:
     

                       Førde kommune v/ Tildelingskontoret, pb 338, 6802 Førde

Gå til søknadsskjema (PDF, 74 kB)

 

Kontaktinformasjon

 

Ved spørsmål knytt til søknad og tenestetilbodet, ta kontakt med:

  • Tildelingskontoret på tlf: 57 72 20 00 kvardager mellom kl 09 -15.

 

Publisert av Tildelingskontoret. Ansvarleg Heimetenesta. Sist endra 25.03.2015 av Marit Kleiven

Kontakt

Leiar Heimetenesta
  • Tlf: 57 72 21 20
  • Mob:
  • E-post:  

Snarvegar

 
 
Login for redigering